Чурапчы улууһун прокуратурата иһитиннэрэр: хаары, мууһу ыраастыыр өттүгэр сокуону быһаарыы

Саас аайы суоллартан, дьиэлэр үрдүллэриттэн, сатыы киһи сылдьар сирдэртэн хаары-мууһу ыраастааһын суолаталаах боппуруос буолар. Ити үлэ кэмигэр барбатаҕына дьон олоҕор-доруобуйатыгар куттал үөскүөн сөптөөх. 

РФ Олох-дьаһах куодексын 161 ыст. 1.2 чааһ. уонна РФ Бырабыытылыстыбатын 2006.08.13 күнүгэр бигэргэммит 491 №-дээх уурааҕынан элбэх квартиралаах дьиэлэр уопсай үбүн-малын тутуутут-харайыытын быраабылаларын 11.1 пуун. олоҕуран салайар хампаанньа  дьиэны хааччыйар бары үлэны ыытыахтаах.

Ону тэҥэ, РФ Бырабыытылыстыбатын 2014.04.27 күнүгэр бигэргэммит 290 №-дээх уурааҕын 7, 25 пуун. салайар хампаанньа дьиэ үрдүн муустан, кыаһаннартан (муус дьаҥхаттан) онтон дьиэ аттынааҕы сири муустан ыраастыахтаах эбээһинэһэ баар. 

Ити олорор дьиэлэргэ сыһыаннаах.

Онтон тэрилтэлэргэ (туспа дуогабара суох буоллахтарына) салайааччылара ити үлэлэри ыытарга ээпиэтинэс сүгэллэр (оскуола, уһуйаан, биитэр атын тэрилтэ буоллун).

Уопсай уулуссаларга, болуоссаттарга итинник үлэлэри нэһилиэктэр дьаһалталара ыытыахтаахтар.

Ити өттүгэр сокуон кэһиитэ тахсыбытан туһугар прокуратура киэҥ үлэ ыытар, ол иһигэр тэрилтэлэр салайааччылара сэрэтиллэллэр.

Өскөтүн сокуон кэһиитэ таҕыстаҕына буруйдаах сололоох сирэй РФ Административнай буруйдарын туһунан куодакс 6.3, 7.22, 12.34, 14.1.3 ыст.ыст. эппиэтинэскэ тардыллыахтарын сөп. Накаастабыл ытырааба хас да тыһынча солкуобайга тиийиэн сөптөөх.

Ону тэҥэ, ити үлэ ыытыллыбатаҕыттан сылтаан эмсэҕэлэммит улаханнык эчэйдэҕинэ биитэр өллөҕүнэ буруйдаах киһи РФ ХК 293 ыст., ол эбэтэр “дьалаҕай быһыыга” (халатность) холуобунай эппиэтинэскэ тардыллыан сөп. Ити курдук холуобунай дьыалалар Арассыыйа үрдүнэр Киров уонна Ярославль куораттарга көбүтүллэн тураллар.

Өскөтүн тоҕостоох сирэйдэр ити үлэны ыыппат түгэннэригэр гражданнар прокуратураҕа үҥсүөхтэрин сөп.

Эбиитин, өскөтүн ким эрэ итинтэн сылтаан эчэйии ыллаҕына кини прокуратура көмөтүнэн дуу биитэр бэйэтэ суут нөҥүө тиксибит хоромньутун харчы өттүнэн толуйуон сөптөөх.

Чурапчы улууһун прокурора

юстиция сүбэһитэ 

И.В. Ядреев

Напечатать страницу Напечатать страницу

Читайте также: