Чурапчы улууһун прокуратурата иһитиннэрэр: прокуратура дьон сокуоннай бырааптарын суут нөҥүө көмүскүүр миэрэтэ.

Сөптөөх, тоҕоостоох уонна сокуонунан бигэргэтиллибит нэһилиэнньэ сокуоннай бырааптарын көмүскүүр сыаллаах суутка ирдэбил сайабылыанньа киллэрэр прокурор бырааба туһалаах ньыма буолар. 

Суутка ирдэбил сайабылыанньа киллэрэр прокурор сокуону кэһиигэ утарылаһар миэрэтэ, олус диэн суолталаах буолар, тоҕо диэтэр, нэһилиэнньэ бүгүҥҥү күҥҥэ правовой билиитэ намыһаҕа биллэр, уонна квалифицированнай юридическай көмө киһи бэйэтин күүһүнэн ылара ыарахаттардаах буолар. Онон, прокурор  ирдэбил сайабылыанньа суутка киллэрэр бырааба, билиҥҥи олоххо олус диэн туһалаах, сорох ардыгар, кэһиллибит быраабы көннөрөр суос-соҕотох миэрэ буолар.

Биллэрин курдук, Российскай Федерация гражданскай-процессуальнай кодексын 45 ыстатыйатын 1 чааһыгар олоҕуран, өскөтүн дьон доруобуйатын туругунан, кырдьаҕас сааһынан, уонна атын аахсыллар биричиинэлэринэн бэйэтэ суутка үҥсүспэт түгэнигэр, прокурор кинилэр ааттарыттан суутка ирдэбил уонна сайабылыанньа киллэрэр бырааптаах. Ол гынан баран, прокурор суутка сайабылыанньа киллэрэр бырааба дьон социальнай бырааптарын кэһиитин уонна мөккүөрүн, үлэ (сулууспа) быраабын кэһиитин, дьиэ-кэргэн, ийэ, аҕа буолуу уонна оҕо саас көмүскэлин, социальнай көмүскэл, социальнай хаччыйыы, доруобуйа харыстабылын, тоҕоостоох тулалыыр эйгэ быраабын хааччыйыы, үөрэҕэрии чааһын бопуруостарыгар  тарҕаммат. 

Ирдэбил киллэрбит прокурор суутка туох баар Российскай Федерация гражданскай-процессуальный кодексынан көрүллүбүт ирдээччи бырааптарынан туһанар кыахтаах.

Көһөрөн таһаарыы, үлэҕэ төнүннэрии, киһи олоҕор уонна доруобуйатыгар хоромньуну толуйуу, уонна да атын Российскай Федерация гражданскай-процессуальный кодексынан көрүллүбүт түбэлтэлэргэ, прокурор суут процеһыгар түмүк биэрэ киирэрэ булгуччалаах.

Онон, Чурапчы олохтоохторо, улуус прокуратурата эһиги сокуоннай быраапкытын көмүскүүр сыаллаах, быраапкыт кэһиллэр түгэнигэр,
суутка ирдэбил сайабылыанньа киллэрэр кыахтааҕын туһунан сиһилии быһаарабын.

Чурапчы улууһун прокурора юстиция сүбэһитэ И.В. Ядреев

Напечатать страницу Напечатать страницу

Читайте также: