Чурапчы улууhун прокуратурата быhаарар: оҕолору оптуобуһунан тааһы ирдэбилэ

Кэнники кэмҥэ Саха Сирин хас да улууһугар оҕолору таһан иһэр оптубустары кытары саахаллар буоллулар, ол иһин ити боппуруос суолтатын сүтэрбэт.

РФ Барабыытылыстыбатын 1993.10.23 күҥҥэ тахсыбыт 1090 №-дээх уурааҕынан бигэргэммит Суол быраабылатын 1.2 пуун. олоҕуран 8 оҕоттон бөлөх оҕону төрөппүттэрэ уонна сокуонунан бэрэстэбиитэлэ суох оптуобуһунан таһыы (маршрутунан сылдьар оптуобустартан ураты) – тэрээһиннээх оҕону таһыы диэн буолар.

Оҕолору тэрээһиннээхтик таһыы туспа быраабылалардаа.

Ол курдук,  айан 4 чаастан ордук буоллаҕына бөлөх оҕоҕо 7-лэрин туола илик оҕолор таһыллыа суохтаахтар. Түүҥҥү бириэмэҕэ (киэһээ 23 чаастан сарсыарда 6 чааска диэри) сөмөлүөккэ барааһын буолбатах буоллаҕына, биитэр суол быһылаанын кытары сибээстээ хойутааһын суох буоллаҕына, оҕолору таһыы бобуллар.

Үстэн тахса опутуобус оҕолору таһарыгар булгуччу кинилэри ГАИ массыыната арыаллыахтаах, онтон, биир-икки оптуобус айаннырыгар ГАИ арыаллааһына булгуччулаах буолбатах.

РФ Барабыытылыстыбатын 2013.12.17 күҥҥэ тахсыбыт 1177 №-дээх уурааҕынан бигэргэммит “Тэрээһиннээх оҕолору таһыы быраабылатын” 10 пуун. олоҕуран оҕолору таһыах 2 күн иннинэ салайааччы (оскуола директора, балыаһа кылаабынай бырааһа уонна да атыттар) олохтоох ГАИ салаатыгар оҕолору ханна эрэ бөлөх гынан илдьээри гыммытыгар суругунан иһиттиннэриэхтээх. Ону тутан, ГАИ салаата бэйэтэ былааннаан оптуобуһу арыаллыан сөп.

Онтон үс уонна үстэн элбэх опутуобус айанныыра былааннанар буоллаҕына арыаллааһын сайаапката ГАИ салаатыгар 10 күн иннинэ киириэхтээх.

Оҕолору таһарга булгуччу техническэй ирдэбиллэргэ эппиэттир оптуобус туттулуохтаах – туох да алдьаныыта суох, оҕолору саастарынан олоппоско тутар тэриллээх, тахографтаах уонна ГЛОНАСС биитэр ГЛОНАСС/GPS спутниковай систиэмэлээх.

Онтон быйыл 2018 сыл от ыйын 1 күнүттэн оптуобус оҥоһуллубута 10 сылтан тахсыа суохтаах уонна үрдүгэр араҕас биитэр сырдык саарыл өҥнөөх чаҕылыйар майаакчаан булгуччу баар буолуохтаахтар диэн саҥа ирдэбил күүһүгэр киирэр.

Оҕолору тиэйэр оптуобуһу ыытар суоппар “D” категориялаах праватын ылбыта 1 сыала ааспыт буолуохтаах, биир сыл иһигэр суол сырыытыгар ыарахан административнай кэһиилэри оҥорботох буолуохтаах. Ану туран оптуобуһа айан иннигэр көрүллүөхтээх, онтон бэйэтэ быраас көрүүтүн эмиэ ааһыахтаах.

Эбиитин, 2018 сыл кулун тутар 18 чыһыла кэнниттэн суоппар булгуччу уоту тэйитэр сурааһыннардаах куурканы битэр дьилиэти тохтууругар кэтиэхтээх.

Ити быраабылалары кэстэххэ туох эппиэтинэс баарый?

Бастатан туран РФ Административнай буруйдар тустарынан куодексын 12.23 ыст. баар – оҕолору тэрээһиннээхтик тиэйэр туһунан быраабылалары кэһии. Эппиэтинэһэ 200 000 солкуобайга диэри ыстыраапка тэҥнэһэр.

Ону тэҥэ таһыы кэмигэр саахалтан дуу атын биричиинэттэн оҕолор эчэйдэхтэринэ таһыыны тэрийээччи РФ Холуобунай куодексын 293 ыст. (дьалаҕай быһыы – халатность) 7 сыл көҥүлүн быһыыга диэри эппиэттир, онтон суоппар РФ Холуобунай куодексын 238 ыст. (куттал суох буолуутун ирдэбилигэр эппиэттэспэт өҥөнү оҥоруу) 10 сыл көҥүлүн быһыыга диэри эппиэттир.

 

 

 

 

 

 

 

 

 

 

 

 

 

 

Напечатать страницу Напечатать страницу

Читайте также: