Чурапчы улууhун прокуратурата быhаарар: Уоруу дуу эбэтэр булан ылыы дуу?

 

Уорууну булан ылыыттан араарыллыахтаах.

2017 сыллаахха Россия Үрдүкү Суута быһаарбытынан, өскөтүн эмсэҕэлэнээччи малын-салын бэйэтэ өйдүүр сиригэр умнан кэбиспитин, атын киһи бу малы хаһаайына суоҕунан туһанан, бэйэтигэр апчарыйбыт буоллаҕына бу уоруу диэн сыаналанар.

Ол курдук, суут бириигэбэринэн биир уоруйах малы, ол эбэтэр ыарахан сыаналаах мобильнай түлүпүөнү уорбутун иһин буруйга тардыллыбыта. Көмүскээччи сотовай түлүпүөн уоруллубакка, булан ылыллыбыт диэн модьуйсубута. Суттанааччы атын малы дьулуһан туран бэйэтигэр апчарыйа сатыыр санаата суоҕун, түлүпүөнү эмсэҕэлэнээччиттэн ыла сатыырга ханнык да туһааннаах дьайыылары оҥорботоҕун, хаһаайын болҕомтото суоҕуттан түлүпүөн хаалбытын ыйбыта.

Эбиитин, булбут түлүпүөнүнэн уоруйах туһамматаҕын, ол оннугар түлүпүөнү төннөрүү туһунан эппиттэригэр баҕа өттүнэн төннөрбүтэ ыйыллыбыта.

Суут маннык дакаастыы сатааһыны кытта сөбүлэспэтэҕэ уонна түлүпүөнү эмсэҕэлэнээччи сүтэрбэтэҕин, атын малларын кытта поликлиникаҕа өйдүүр сиригэр хаалларбытын тоһоҕолоон ыйбыта. Эмсэҕэлэнээччи түлүпүөнүн сүтэрбит диэни кытта сөбүлэспэтэҕэ, кини сотору буолан баран малларын хаалларбыт сиригэр кэлэн көрөн, түлүпүөнэ суоҕун билэн баран, бэйэтин нүөмэригэр түлүпүөнэ ханна баарын билээри эрийэ сатаабыт уонна тута полицияҕа тыллаабыт.

Түлүпүөн син биир ким эрэ киэнэ буоларын уоруйах билбитэ саарбахтаммат.  Сууттанааччы түлүпүөн эрийэригэр эппиэттээбэккэ, эбиитин сим-картатын уларытан, тус бэйэтин түлүпүөнүгэр кубулуппут.

Уголовнай сокуон этэринэн уоруу диэн туора малы-салы бэйэ туһатыгар таһаарына сатаан, хаһаайыныгар төннөрөр санаата суох бэйэҕэ ылыы уонна бэйэ эбэтэр атын дьон туһатыгар эргитии ааҕыллар.

Российскай Федерация Үрдүкү Суутун судебнай коллегията үөһээ ахтыллыбыт өрүттэри учуоттаан, бу түгэҥҥэ көмүскээччи дакаастыы сатаабытын курдук, булан ылыы буолбакка, уоруу буолар диэн түмүккэ кэлбитэ. (Российскай федерация Үрдүкү суутун 75-УД17-2 нүөмэрдээх кассационнай быһаарыытынан).

 

 

 

 

 

 

 

 

 

 

 

 

Напечатать страницу Напечатать страницу

Читайте также: